பிள்ளைகளின் மீது தாய்க்குக் காதல்

பிதாவிற்கு இல்லத்தின் மீது காதல்

சுற்றத்தார்க்கு உறவின் மீது காதல்

பற்றற்றவர்க்கு கடவுள் மீது காதல்

மண்ணின் மீது செடிகளுக்குக் காதல்

விண்ணின் மீது ஆய்வாளனுக்குக் காதல்

பண்ணின் மீது ஸ்வரங்களுக்குக் காதல்

கண்ணின் மீது காதலர்களுக்குக் காதல்

காலம் காலமாக வாழும் காதல் மீது காதல்.

சிறிய விதைதான் பூமிபிளந்து வரவில்லையா?

சிற்றெரும்புதான் உணவை தூக்கவில்லையா?

சிறிய தேனீக்கள்தான் தேனை சேமிக்கவில்லையா?

பளபளக்கும் வண்ணத்துப்பூச்சிதான் பறந்துதிரிய வில்லையா?

பறவைகள் வேற்றிடம் சென்று சூழ்நிலையால் வாழவில்லையா?

கதவுகள் தட்டப்பட்டுக் கொண்டே இருப்பதில்லை

எப்பொழுதாவது பலமாகத்தட்டும் உறங்கிவிடாதே!

வீழ்ந்து விட்டாயா பரவாயில்லை

வீழ்ந்தும், வாழ்வதும் நிரந்திரமில்லை

வீறு கொண்டு எழுந்துவா – வெற்றியும்

தோல்வியும் ஒருவரிடத்திலே நிலைத்திருப்பதில்லை

விரல்கள் உன் கைகளில் எதற்கு

உழைத்துவிட்டு உண்பதற்குத்தானே

வீணாகக் கவலைப்பட்டு சோம்பிவிடாதே

வீணர்களின் வீண்பேச்சைக் கேட்காதே

வீரமாக வாழக் கற்றுக்கொள்! மறவாதே

விவேகமான செயல்களில் ஈடுபடத் தயங்காதே

விருப்பங்கள் நிறைவேறும் விலக்கிவிடு வேதனைகளை

விலங்கை உடைத்து வெற்றிக்கொள் – எதற்கும்

விடுதலை உன் கைகளால்தான்

விண்ணையும் தொட்டுவிடும்

உன்கரங்கள்! புகழையும் சேர்த்துதான்.