பூமியின் எதிர்பார்ப்பு நான்கு பருவங்கள்

ராகங்களின் எதிர்பார்ப்பு ஸ்வரங்கள்

இரவின் எதிர்பார்ப்பு பகல்

துன்பத்தின் எதிர்பார்ப்பு இன்பம்

திருமணத்தின் எதிர்பார்ப்பு குழந்தை

அல்லியின் எதிர்பார்ப்பு சந்திரன்

அன்பின் எதிர்பார்ப்பு நற்குணங்கள்

இதயத்தின் எதிர்பார்ப்பு உன்னை

போல் சிந்திக்க வேண்டுமென்று

இறுதியில் எதிர்பார்ப்பு இறையடி

எதிர்பார்ப்புகள் நம் கையில் – எதிர்பாராது

நடப்பது இறைவன் செய்கையில்

கடமையைச் செய்வோம்

பலனை எதிர்பாரோம்.

சின்ன சின்ன மூக்கில்

சிறிய சிறிய நார்

பஞ்சு, நூல் எடுத்து

இலையின் மறைவில்

பறந்து திரிந்து சேர்த்து

இன்பமாய் கூடுகட்டி

ஈன்ற முட்டைகளை

இறக்கையால் அணைத்து

இறைதேடி வாயில் எடுத்து

இன்பமுடன் குஞ்சுகளுக்களித்து

ஓயாது ஓடி ஓடி திரிந்து

உட்கார்ந்து மழை, வெயில் காத்து

முட்டை உடைத்து வெளிவந்து

எலும்பும் தோலுமாய் பிறந்து – வாயில்

ஊட்டி ஊட்டி வளர்த்தது

ஆனால் அது – வாயில்

வழியே பறந்து ஓடியது.

நீ ஒரெழுத்து

நான் ஈரெழுத்து

அன்பு மூன்றெழுத்து

தருவது நாலெழுத்து

ஆனந்தம் ஐந்தெழுத்து

யாரிடத்தும் ஆறெழுத்து

தருவதில் ஏன் ஏழெழுத்து

உன் கடையடைப்பு எட்டெழுத்து

உலகம் பரந்தது ஒன்பதெழுத்து

பார்பார் பூச்சொரியும் பத்தெழுத்து

பத்தும் பத்தும் விரல்கள்

பத்தும் கைகுளுக்கும் வணங்கும்

கண்ணீர் துடைக்கும்

நாம் அன்பின் பின் செல்வோம்

அது ஆத்மார்த்தமாக அமையட்டும்

இதிலும் கலப்படம் வேண்டாம்

உண்மையே அன்பு அன்பே உண்மை.