இளைய சமுதாயமே!

இதய பெட்டகத்தில்

இளைய வேகத்தில்

இணையிலா காதலில்!

இன்பம் காணவா

இவ்வுலகில் நீ பிறந்தாய்

கிடைக்பதற்கரியா பொக்கிஷம் உன் இளமை

கவிதையிலும் கன்னியிலும்

போதையிலும் தவறான பாதையிலும்

செல்லவா உன் கால்கள்

சுவடுகளை பின்பற்றி

முன்னோக்கி செல்

காதலில் கவிகிடைக்கும்

கன்னியிடம் உன் முகம் மறையும்

இதுதானா தாயிற்கும்

தாய் நாட்டிற்கும் நீ

செய்யும் நன்றிகடன்

முகச்சுருக்கத்திலும் காதலியாய் மனைவி

காலம் உனக்காக – விட்டால் அது

காத்திருக்காது நமக்காக.

பறக்கட்டும் இளைஞனே

உன் சிறகுகள் வானைமுட்டி

விரிக்கட்டும் இளைஞனே

உன்கைகள் நான்குதிசையும்

படிக்கட்டும் இளைஞனே

உன் அறிவு கடல் தாண்டியும்

வெடிக்கட்டும் இளைஞனே

உன் துப்பாக்கியின் வேகம் எதிரியின் மார்பில்

துடிக்கட்டும் இளைஞனே

உன் தோள்கள் சிறுமைகண்டு

வடிக்கட்டும் இளைஞனே

உன் கண்கள் நீரை உன் தேசத்திற்காக

பிறக்கட்டும் இளைஞனே

உன்னால் இங்கு புதிய பாரதம்.

பெற்றோரிடம் அதீத நம்பிக்கைவை

மற்றவரிடம் அவநம்பிக்கை கொள்ளாதே

உழைப்பில் அதீத நம்பிக்கைவை

முயற்சியில் அவநம்பிக்கை கொள்ளாதே

வெற்றியில் அதீத நம்பிக்கைவை

தோல்வியில் அவநம்பிக்கைக் கொள்ளாதே

இயற்கையில் அதீத நம்பிக்கைவை

இறைவனிடம் அவநம்பிக்கை கொள்ளாதே

மரணத்தில் அதீத நம்பிக்கைவை

வாழ்க்கையில் அவநம்பிக்கை கொள்ளாதே

உன்மீது அதீத நம்பிக்கைவை – ஆனால்

யாரிடமும் அவநம்பிக்கைக் கொள்ளாதே!