உனக்காக பிராத்தனை செய்தால்

அது புள்ளிமானை வேட்டையாடும் புலி போல

உன் குடும்பத்திற்காக பிரார்த்தனை

செய்தால் அது தேனீக்கள் போல

உன் உறவிற்காக பிரார்த்தனை

செய்தால் அது காக்கை போல

உன் நட்பிற்காக பிரார்த்தனை

செய்தால் அது கிளிகள் போல

உன் காதலுக்காக பிரார்த்தனை

செய்தால் அது புறாக்கள் போல

ஆனால் உலகிற்காக பிரார்த்தனை

செய்தால் அது வாடிய வயலுக்கு மழை போல

உன் எதிரிக்காக பிரார்த்தனை செய்தால்

கோழி கூட்டில் பருந்து போல

பகைவனுக்கு அருள்வாய் நன்நெஞ்சே!

நல் எண்ணங்களை அவன் இதயத்தில் விதைக்க.

என் கிராமத்து சகோதரியே

சாலைகள் கூட நேரில்லையே

மேடும் பள்ளமும் சரியில்லையே – உன்

வாழ்க்கையை சரிசெய்வது கல்வியே

அதை முழுமையாய்ப் பெறுவது உன் கையிலே

கல்வியிலா களர் நிலமாகாதே

கையளவாக கற்றுக்கொள்

கவலை உனக்கில்லை ஒத்துக்கொள்.

மாதவம் செய்திட்ட மங்கை

மாறாமனம் ஒன்றுடைய நங்கை

அவள் கண்ணில் கூடாது கங்கை

துன்பம் இழைக்க நினைக்கின் வேங்கை

என்றும் சரியாய் முடிப்பாள் தன் பங்கை

தவறென்று எண்ண எடுப்பாள் சங்கை

தப்பு தாளமாகாதாடுவாள் சலங்கை.