சந்தோஷக் கேடு
மனம் குறுகியகூடு
நிம்மதியில்லா வீடு
அதில் நீ படும்பாடு
புரிதலுக்கில்லை ஈடு
புரிந்துக் கொள்ள முயற்சியெடு
வாழ்க்கை ஒரு மகிழ்ச்சி ஏடு
உண்மையைத் தேடு
தவறான எண்ணங்களை விடு
திருந்தவில்லையாயின் ஓடு
உலகமே உனக்கு இருண்ட காடு
உணர்ந்தால் மகிழ்ச்சி
எல்லைக்கு ஏது கோடு
உல்லாசமாய் பறந்து பாடு.
விழியில் உன் விழியில்
என் எதிர்காலம் உள்ளது
மொழியில் உன் மொழியில்
என் உயிர் உள்ளது
வழியில் உன் வழியில்
என் கால் சென்றது
பழியில் உன் பழி – யில்
நான் மணமுடிப்பது
கழியில் உன் கழியில்
நாமிருவர் ஊணுவது.
தவறு என்பது தவறிச்செய்வது
தப்பு என்பது தெரிந்து செய்வது
தவறிக் கொண்டேயிருப்பவன்
தவறாமலிருக்க மன உறுதிசெய்வது
தப்புதப்பாய் செய்து கொண்டேயிருப்பது
தப்பித்து அதிலிருந்து விடுபடுவது நல்லது
தப்பும், தவறும் தொடர்வது
என்ன நியாயமது நீ உணர்வது
பெரியோர்கள் சொல்லும் நெறிமுறையெது
நீ கடைப்பிடிப்பது இனி உயர்வதில் தடையெது.
| ||
