மலர்மிசை ஏகினான் மானடி சேர்ந்தார்

நிலமிசை நீடுவாழ் வார்

விளக்கம் : மலர் போன்ற மனத்தில் நிறைந்தவனைப் பின்பற்றுவோறின்

புகழ்வாழ்வு, உலகில் நெடுங்காலம் நிலைத்து நிற்கும்

திருவே நினைக்காதல் கொண்டேனே – நினது திரு

உருவே மறவா திருந்தேனே – பல திசையில்

தேடித் திரிந்திளைத் தேனே – நினக்கும் மனம்

வாடித் தினங்களைத் தேனே – அடி, நினது

பருவம் பொறுத்திருந் தேனே – மிகவும் நம்பிக்

கருவம் படைத்ததிருந் தேனே – இடைம்நடுவில்

பையச் சதிகள்செய் தாயே – அதனிலுமென்

மையல் வளர்தல்கண் டாயே – அமுதமழை

பெய்யக் கடைக்கண்நல் காயே – நினதருளில்

உய்யக் கருணைசெய் வாயே – பெருமைகொண்டு

வையந் தழைக்கவைப் பேனே – அமரயுகஞ்

செய்யத் துணிந் துநிற் பேனே – அடியெனது

தேனே, என திரு கண்ணே – ஏனையுகந்து

தானே வந்திருப் – பெண்ணே!

தேடி சோறு நிதந்தின்று – பல

சின்னஞ் சிறுகதைகள் பேசி – மனம்

வாடித் துன்பமிக உழன்று – பிறர்

வாடப் பலசெயல்கள் செய்து – நரை

கூடிக் கிழப்பருவம் எய்தி – கொடுங்

கூற்றுக் கிறையெனப் பின் மாயும் – பல

வேடிக்கை மனிதரைப் போலே – நான்

வீழ்வே னென்று நினைத்தாயோ!

- மாகவி பாரதியார்