வையத்துள் வாழ்வாங்கு வாழ்பவன் வான்உறையும்

தெய்வத்துள் வைக்கப் படும்.

விளக்கம் : தெய்வத்துக்கென எத்தனையோ அருங்குணங்கள்

கூறப்படுகின்றன. உலகில் வாழ வேண்டிய அறநெறியில் நின்று

வாழ்கிறவன் வானில் வாழ்வதாகச் சொல்லப்படும் தெய்வத்துக்கு

இணையாக வைத்து மதிக்கப்படுவான்.

புலத்தலிற் புத்தேள்நா டுண்டோ நிலத்தொடு

நீரியைந் தன்னார் அகத்து.

விளக்கம் : நிலத்தோடு நீர் கலந்தது போல அன்புடன் கூடியிருக்கும்

காதலரிடத்தில் ஊடல் கொள்வதை விடப் புதிய உலகம் வேறொன்று

இருக்க முடியுமா?

கோட்டுப்பூச் சூடினும் காயும் ஒருத்தியைக்

காட்டிய சூடினீர் என்று.

விளக்கம் : கிளையில் மலர்ந்த பூக்களைக் கட்டி நான் அணிந்து

கொண்டிருந்தாலும், வேறொருத்திக்குக் காட்டுவதற்காகவே

அணிந்திருக்கிறீர் எனக்கூறி சினம் கொள்வாள்.