கேடும் பெருக்கமும் இல்லல்ல நெஞ்சத்துக்

கோடாமை சான்றோர்க் கணி.

விளக்கம் : ஒருவர்க்கு வாழ்வும், தாழ்வும் உலக இயற்கை; அந்த இரு

நிலைமையிலும் நடுவுநிலையாக இருந்து உறுதி காட்டுவதே

பெரியோர்க்கு அழகாகும்

கண்ணோட்டம் என்னுங் கழிபெருங் காரிகை

உண்மையான் உண்டிவ் வுலகு.

விளக்கம் : இந்த உலகம், அன்பும் இரக்கமும் இணைந்த

கண்ணோட்டம் எனப்படுகிற பெரும் அழகைக் கொண்டவர்கள்

இருப்பதால்தான் பெருமை அடைகிறது.

தக்காங்கு நாடித் தலைச்செல்லா வண்ணத்தால்

ஒத்தாங் கொறுப்பது வேந்து.

விளக்கம் : நடைபெற்ற குற்றங்களை நடுநிலை தவறாமல்

ஆராய்ந்தறிந்து, மீண்டும் அவை நிகழா வண்ணம்

அக்குற்றங்களுக்கேற்பத் தண்டனை கிடைக்கச் செய்வதே அரசின்

கடமையாகும்.