தவறு செய்வது இயல்பு

இயல்பை உணர்வது மன்னிப்பு

மன்னிப்பு கேட்பது பண்பு

பண்பு கொள்வது உயர்வு

உயர்வது என்றுமே சிறப்பு

தன் தவறை ஒப்புக்கொள்வது துணிவு

பிறர் தவறை மன்னிப்பிது

பின்மறப்பது கனிவு

இதுவே மன நிறைவு.

விரலுக்கேற்ற வீக்கம்

வரவிற்கேற்ப செலவு

உழைப்பிற்கேற்ற ஊதியம்

உரத்திற்கேற்ற விளைச்சல்

போதும் என்ற மனமே

சிக்கனமே சிறப்பான வாழ்வு

இருப்பதைக் கொள்வதில் மனநிறைவு

அகலக்கால் தலைகால் தெரியாது

ஆழம் தெரியாது காலை விடுவதா

ஆடம்பரம் பம்பரமாய் சுழன்று

உன்னை பாரமாய் சுமக்க வைக்கும்

எளிமையிலும் இனிமை நிம்மதி இருக்கும் இதை

உணர்ந்தால் உனக்கு வாழ்வு என்றுமே மணக்கும்.

செய் ஏதாவது செய்

அன்பை நடவு செய்

பண்பை வளரச் செய்

ஒழுக்கத்தை உயரச் செய்

உண்மையை விழிக்கச் செய்

வறுமையை ஒழிக்கச் செய்

வரலாற்றில் பெயரைப் பதிவு செய்

வரும் துன்பங்களை ஓடச் செய்

நல் மனிதர்களை வாழச் செய்

நன்மை செய்து நல்லதைச் செய்

தேவையற்றதை அழிக்கச் செய்

தீமைகளை நீக்க முடிவு செய்

தினமும் இறைவனை வணங்கச் செய்

சுத்தமான உணவுகளை உண்ணச்செய்

சிறப்பாக இருக்க முயற்சி செய்

சிந்தனைகளை வளர்க்கச் செய்

குழந்தைகளிடம் உறவை நேசிக்கச் செய்

இளைஞர்களிடம் தேசப்பற்றைச் செய்

முதியோர்களை மதிக்கச் செய்

முன்னேற்றப் பாதையை தேர்வு செய்

ஏற்றத் தாழ்வை நீக்கச் செய்

ஏமாற்றத்தை மாற்றச் செய்

அன்னை பூமியை நினைவு செய்

ஆனந்த பூக்கள் பூக்கச் செய்

அனைவரும் ஒன்றாக கை கோர்க்கச்செய்.