இருப்போர் இல்லார்க்களித்தல் மகிழ்ச்சி

குழந்தைகளிடத்தில் அன்பு கொள்ளுதல் மகிழ்ச்சி

பெற்றோரை பேணி காத்தலில் மகிழ்ச்சி

உற்றோரிடம் விட்டுக் கொடுத்தல் மகிழ்ச்சி

நட்பிடம் மனம் விட்டு பேசுதல் மகிழ்ச்சி

நல்ல பழக்கங்களை நாளும் சேர்த்தல் மகிழ்ச்சி

தேசத்தலைவர்களின் வழியில் நடத்தல் மகிழ்ச்சி

தேடித்தேடி இறைவனை காணல் மகிழ்ச்சி

அடுத்தவரை நேசித்தல் அறிய மகிழ்ச்சி

எதிரிகளிடத்தில் நல்ல குணங்களை

எடுத்துக்கொள்வதில் மகிழ்ச்சி

எல்லோரும் எல்லாம் பெற்றால் மகிழ்ச்சி

மகிழ்ச்சி எல்லோரிடமும் மகிழ்ச்சியாய் வந்து

மகிழ்ச்சி தந்தால் மட்டற்ற மகிழ்ச்சி.

அடுப்பூதும் பெண்களுக்கு கல்வி எதற்கு

ஆணாதிக்கம் செலுத்துபவரை தவிர்ப்பதற்கு

இல்லத்தின் தேவைகளை பகிர்வதற்கு

ஈன்ற தாய்நாட்டிற்கு பெருமை சேர்ப்பதற்கு

உயர்ந்தநிலை ஒவ்வொன்றிலும் அடைவதற்கு

ஊக்கம் கொண்டு எதையும் செய்வதற்கு

எடுத்த காரியம்யாவிலும் வெற்றி கொள்வதற்கு

ஏணியாய் விண்ணிலும் கால் பதிப்பதற்கு

ஐயமின்றி அனைத்தையும் அறிவதற்கு

ஓவ்வொரு துறையிலும் முதலாவதாய் நிற்பதற்கு

ஓங்கி மங்காது என்றும் புகழ் பெறுவதற்கு

ஓளவையே எடுத்துக்காட்டாய் அக்கல்வி சான்றிற்கு

எஃகு போன்ற மன உறுதி எந்நிலையிலும் மாறாததற்கு

கடுகிலும் இனி நுழைந்து நீ வெளிவருவாய் என்பதற்கு

காலம் தெளிவடைய வைத்திருக்கிறது நமக்கு

தொடர்ந்து நடைபோடு ஈடு இணையில்லை என்றும் உனக்கு.

நவரசங்களில் எல்லோரிடமும் நாயகன்

நன்மை என்றுமே தராத பேயவன்

நடக்கும் பின்விளைவுகளை அறியாதவன்

நடந்த பின்பே யோசிக்கும் மடையன்

நாளெல்லாம் நிழலாகித் தொடர்பவன்

நமக்கும், பிறருக்கும் சேரவிடா துருவமவன்

நல்லவனையும், தீயவனாக்கும் கயவன்

நளிந்த பேரை நசுக்கிவிடும் கொடியவன்.