விஞ்ஞான வளர்ச்சி கண்டோம்
மெய்ஞான உயர்ச்சி கொண்டோம்
கல்வியில் உயர்வு பெற்றோம்
பொருளாதார சிறப்பு உண்டோம்
தொழில் வளங்கள் புரிந்தோம்
நிலவளங்கள் அதிகரித்தோம்
ஓய்வின்றி உழைக்க அறிந்தோம்
ஒப்பிலா பாரதத்தில் பிறந்தோம்
ஓங்கி பாரில் உயர்வோம் – இனும்
விந்தைகள் பல புரிவோம்.
நாம் சந்தோஷமாக சுமந்தோம்
மகிழ்ச்சியாக வளத்தோம்
இன்பமான கல்வி அளித்தோம்
சுகமான நல்வழி சொல்லித் தந்தோம்
இனிமையான மணம் முடித்தோம்
கனியான பேரக்குழந்தைகளை ருசித்தோம்
அவர்கள் நல்லதொரு குடும்பமாக
வாழ்வதை நாம் ரசிப்போம்
வட்டியாக நாம் அவர்களிடம்
எதிர்பார்ப்பதை தவிர்ப்போம்
சுமையின்றி அவர்களை
சுகமாக வாழவிடுவோம்.
நல்ல நிலம்
நன்றாக உழுது
நல்ல உரமிடு
நல்ல நீர் பாய்ச்சு
நல்ல வெளிச்சம்
நல்ல காற்று
நல்ல உழைப்பாளி
நல்ல பாதுகாவலன்
நல்ல நண்பன்
நல்ல சுற்றுப்புறம்
நல்ல பாதுகாப்பு பிறகென்ன
நம்பிக்கை நாற்று
அது உன் சுவாச காற்று
தருமே அவை நல்ல
மிக நல்லனவாகுமே!
பொறுமை எனும் நகையணி
விட்டு கொடுக்கும் பண்புக்கனி
அன்பு கொள்ளும் ஊறுணி
புரிந்து கொள்ள தாமதபணி
வேண்டாத எண்ணங்களை தவிர்ந்து விடு இனி
வாழ்க்கையே இரவு, பகலெனும் அச்சாணி
அதில் நன்மை செய்து சுழல்வாயினி.
| ||
