இளமையை அசைபோடும் இன்பகீதம்
இனிய பேரக்குழந்தைகளின் இனிய நாதம்
இவ்வுலக அனுபவத்தின் இதமான வேதம்
இன்ப துன்பங்களின் இதமான பாதம்
இருவரும் சுகமாக பரிமாறும் சாதம்
இயலாமை வந்தாலும் இல்லை சோககீதம்
இனிவரும் காலங்களில் முதுமையலை இனிமையாய் மோதும்
இளசுகளை புரிந்து நடந்துக் கொண்டால் போதும்
முதுமையும் ஒரு வசந்தகாலம்.
முன்னால் தெரிந்தவர்களாயின்
முடிவு செய்
பின்னால் தெரிபவர்களாயின்
அறிவு கொள்
முன்னால் புரிந்தவர்களாயின்
தெளிவு பெறு
பின்னால் புரிந்தவர்களாயின்
எச்சரிக்கை கொள்
முன்னால் அறிந்தவர்களாயின்
அன்பு செய்
பின்னால் அறிந்தவர்களாயின்
அனுபவம் கொள்.
பெண்ணின் பெருமை தாய்மை
தாய்மையின் நன்மை சேய்மை
சகிப்புத்தன்மையின் நுழைவாயில்
சந்ததிகளை காக்கும் கோயில்
தன்னலற்றவள் தாய்
தன்மையாய் பேசும் அவள் வாய்
தவறுகளை கண்டிக்கும் கண்கள்
தன்னோடு அணைக்கும் நெஞ்சம்
தாய்ப்பாலில் குழைப்பாள் அன்பை அது
தருமே தர்ம நியாய தெம்பை.
| ||
