அறிவியலாரின் சந்தேகம் – அது

அடுத்த கண்டு பிடிப்பின் ஆரம்பம்

அறிவாளிகளின் சந்தேகம் – அது

ஆக்கப்பூர்வ முடிவாகும்

மருத்துவரின் சந்தேகம் – அது

மனத்தெளிவின் அறிவாகும்

காவல் பணியாளரின் சந்தேகம் – அது

கயவரைக் காணவைக்கும்

குழந்தைகளின் சந்தேகம் – அது

கூறிய அறிவின் தெளிவாகும்,

உலகவட்டம் உருண்டைக்குள்

மனிதவட்டம் நான்கு சுவருக்குள்

கண்களின் வட்டம் கருணைக்குள்

வாயின்வட்டம் நாவின் வாய்மைக்குள்

கைகளின் வட்டம் நேர்மைக்குள்

கால்களின் வட்டம் நற்பாதைக்குள்

செவிகளின் வட்டம் இனியசொல்லிற்குள்

மூச்சின்வட்டம் நாட்டின் தியாகத்திற்க்குள்

நெஞ்சின் வட்டம் நீதிக்குள்

இந்தவட்டத்திற்குள் நீயிருந்தால்

வெற்றிவட்டம் உன் வட்டத்திற்குள்தான்.

பிள்ளைகளின் மீது தாய்க்குக் காதல்

பிதாவிற்கு இல்லத்தின் மீது காதல்

சுற்றத்தார்க்கு உறவின் மீது காதல்

பற்றற்றவர்க்கு கடவுள் மீது காதல்

மண்ணின் மீது செடிகளுக்குக் காதல்

விண்ணின் மீது ஆய்வாளனுக்குக் காதல்

பண்ணின் மீது ஸ்வரங்களுக்குக் காதல்

கண்ணின் மீது காதலர்களுக்குக் காதல்

காலம் காலமாக வாழும் காதல் மீது காதல்.